Mangla 100 hestar
Trykk bildet for stor utgave.
Ove Skårland fekk seg litt av eit sjokk då han hadde motoren i BMW`n i Sverige for overhaling.
-Då motoren blei bremsa hos Lennart Köhler viste det seg at den mangla nesten 100 hestar i forhold til det den skulle hatt, og det som kan tas ut av motoren, fortel Ove Skårland, som er glad for at dette er oppdaga og blir retta på.
-No er Köhler i gong med overhaling av motoren, i tillegg til at det nyaste innan datasprut og kammar skal på plass. Dei har lova at bilen blir ikkje til å kjenne igjen når eg får den tilbake.
Ove Skårland blei nummer tre i Vestlandsmesterskapet i år, og målet er å kome høgare opp til neste år.
-Dersom det blir slik dei har lova får eg nesten ny bil ein gong til, og målet blir å halde følgje med Geir Harald Skeie og avansere i meisterskapen, seier ein glad Ove Skårland, som også har planar om å få med seg eit par NM-rundar om sponsorkronene strekk til.
Har du noko å fortelje om ditt prosjekt ta kontakt